சமயபுரத்தாளே மாரியம்மா பாடல் வரிகள்

ஆயி மகமாயி ஆயிரங்கண்ணுடையாள்

நீலி திரி சூளி நீங்காத பொட்டுடையாள்

சமயபுரத்தாளே சாம் ராணி வாசகியே

சமய புரத்தைவிட்டு சபைதனிலே வாருமம்மா

 சமயபுரத்தாளே மாரியம்மா – அம்மா

 சங்கரியே எங்கள் முன்னே வாருமம்மா

மல்லிகைச் சரம்தொடுத்து மாலையிட்டோம் – அரிசி

மாவிளக்கு ஏற்றிவைத்து பொங்கலும் வைத்தோம்

துள்ளியே எங்கள் முன்னே வாருமம்மா – அம்மா

தூயவளே என் தாயே மாரியம்மா

                                                 - சமயபுர

பட்டுப் பீதாம்பரத்தில் தாவணியும் – உனக்கு

பாவாடை சேலைகளும் கொண்டு வந்தோம்

எட்டுத் திசைகளையும் ஆள்பவளே – அம்மா

ஈஸ்வரியே என் தாயே மாரியம்மா

                                                 - சமயபுர

கத்திக் கதறுகிறோம் கேட்கலையோ – தாயே

கல்லோ தான் உன் மனமும் கரையலையோ

உலகமெல்லாம் ஆடுதம்மா உன் சிரிப்பிலே – எங்கள்

உமையவளே என் தாயே மாரியம்மா

                                                - சமயபுர

காலில் சலங்கையொலி காதைத் துளைக்குதம்மா

பாவாடை தாவணியும் தானாக ஆடுதம்மா

பூவாடை வீசுதம்மா பூமகளே – உனக்கு

பாமாலை கொண்டு வந்தோம் பாரம்மா

                                                 - சமயபுர